وەزیری پەروەردەی هەرێم ڕایدەگەیەنێت، تا ئێستا هیچ مەترسییەک لەسەر خوێندنی ئەمساڵ نییە و بەپێی پلانی بۆدانراو خوێندن تەواو دەکرێت.
ئالان حەمە سەعید، وەزیری پەروەردەی حکومەتی هەرێم، لە کۆنگرەیەکی ڕۆژنامەوانیدا ئەمڕۆ 1ی شوبات ڕایگەیاند، “بە پێی ئەو پلانەی دانراوە هەردوو وەرزی خوێندن تەواو دەکرێت و ڕێگە نادرێت زیان بەر پرۆسەی خوێندن بکەوێت”.
وەزیری پەروەردە وتیشی، ” تەواوی هەوڵی خۆمان دەدەین بۆ ئەوەی کوالێتی خوێندنی ئەمساڵ کەمنەبێتەوە و وانەکان تەواو بکرێت، بەبێ ئەوەی زۆرترین وانە تەرک بکرێت”.
سەبارەت بە موچەی مامۆستایان و فەرمانبەرانی وەزارەتی پەروەردە ئالان حەمە سەعید ڕایگەیاند، “حکومەت ئەوەی لەبەردەستیدابێت بۆ موچە خەرجی دەکات، لەگەڵ ئەوەش چاوی لە وەڵامەکانی بەغدادە بۆ ڕێککەوتن لەسەر پڕۆژە یاسای بودجەی ئەمساڵ و ئەرک و مافەکانی هەرێم”.
