بافڵ جەلال تاڵەبانی، سەرۆکی یەکێتیی نیشتمانیی کوردستان، بڕی 350 هەزار دۆلار بۆ هەر مانگێک دەبەخشێتە یانەی نەورۆز.
شێرکۆ کەمال، سکرتێری یانەی وەرزشی نەورۆز لە کۆنفرانسێکی رۆژنامەوانیدا ئاشکرایکرد، “بافڵ جەلال تاڵەبانی بڕی 350 هەزار دۆلاری بۆ یانەکەمان خەرجکرد و لە رێگەیەوە سەرجەم پێداویستییەکانمانی پێ دابینبکەین”.
دەشڵێت، “بەخشینی پارەکە مانگانە دەبێت و نابڕدرێت، ئەمەش بۆ ئێمە زۆر گرنگ و پێویستە، چونکە لە رێگەیەوە دەتوانین مووچەی یاریزانان و دەستەی کارگێڕیی و سەرجەم پێداویستییەکانی دیکەی پێ دابینبکەین”.
ئاماژەی بەوەشکرد، “تاوەکو ئێستا یەکێتی هیچ کاردانەوەیەکی خراپیان بەرامبەرمان نەبووە، بە هیچ جۆرێکیش دەستوەردانیان لە کاروبارەکانمان نەکردووە”.
