ئەندامێکی ئەنجومەنی نوێنەرانی عێراق رایگەیاند، بە هەوڵی یەکێتی مووچەی هەرێمی کوردستان تاپۆی هەیە.
د. نەرمین مەعروف، ئەندامی ئەنجومەنی نوێنەرانی عێراق، رایگەیاند، مووچەی فەرمانبەرانی هەرێمی کوردستانمان لە ناو یاسای بودجەدا جێگرکرد و بنەمایەکی یاسایمان داڕشت کە ئەرکی حکومەتی عێراقە مووچە بنێرێت، بە هەوڵی یەکێتی مووچە تاپۆی هەیە و نابێت بڕیاری دادگای فیدراڵی هەڵبوەشێتەوە.
دەشڵێت، ئەوە هەر بە قسە نییە و بەڵگەمان هەیە لەوانە، کۆنووسی لیژنەی دارایی، بەڵگەی دووەم ماددەی 13 ی یاسای بودجەیە خاڵی 8 بڕگەی (ا،ب)، بەڵگەی سێیەمیش بڕیاری دادگای فیدراڵییە کە رۆژی 21ی شوباتی 2024، دەریکردووە.
