هەریەک لە سەرۆکی ئەمریکا، تورکیا، میسر و قەتەر واژوویان لەسەر رێککەوتنی کۆتایهێنان بە جەنگی غەزە کرد.
بەپێی ئاژانسی رۆیتەرزی بەریتانی، دۆناڵد ترەمپ، سەرۆکی ئەمریکا لە کاتی دەستپێکردنی لوتکەی ئاشتی لە میسر، بەڵگەنامەیەکی سەبارەت بە رێککەوتنی ئاشتی لەنێوان ئیسرائیل و حەماس واژووکردووە، بەڵام تاوەکو ئێستا لەسەر پرسی تەرمەکان نەگەیشتوونەتە رێککەوتن.
ئاماژەی بەوەشکرد، پاش وتەی دەستپێک، کە لەلایەن ترەمپەوە پێشکەشکراوە، هەریەک لە سەرۆکی میسر، میری قەتەر، و سەرۆککۆماری تورکیا واژوویان لەسەر رێککەوتنی ئاشتی کردووە.
