شارەزایەکی کەشناسی، رایگەیاند، “دووەم بارستەهەوای سارد روو لە هەرێم دەکات و لە چەند شوێنێک هاوڵاتییان پێویستیان بە گەرمکەرەوە دەبێت”.
پشتیوان پێنجوێنی، شارەزای کەشناسی، بە تۆڕی میدیایی ئێستای راگەیاند، رۆژی هەینی 10ی تشرینی یەکەمی 2025، دووەم بارستەهەوای ساردی ئەمساڵ روودەکاتە ناوچەکانی هەرێمی کوردستان و قۆناغێکی نوێی دابەزینی پلەی گەرمی دەستپێدەکات و بۆ ماوەی چوار رۆژ بارستەهەواکە کاریگەرییەکەی دەمێنێتەوە و پلەی گەرمی بەراورد بە رۆژانی رابردوو 9 بۆ 10 پلە دادەبەزێت.
وتیشی، بە گشتی کەشەکە فێنکی تەواو بۆ سارد دەبێت، لە بەشێکی ناوچە شاخاوییەکان، قەزای پێنجوێن و دەوروبەری و حاجی ئۆمەران کاتژمێر 10ی شەو بۆ بەرەبەیان هاوڵاتییان پێویستیان بە بەکارهێنانی ئامێرەکانی گەرمکەرەوە دەبێت.
