بەڕێوەبەرایەتیی گشتیی ئاسایش-سلێمانی، رایگەیاند، بکوژی ژنەکەی گەڕەکی قڕگە دەستگیرکرا.
بەڕێوەبەرایەتیی گشتیی ئاسایش-سلێمانی، لە راگەیەندراوێکدا بڵاویکردەوە، رۆژی 27ی ئەیلولی 2025 تەرمی ژنێک لەماڵەکەی خۆی لە گەڕەکی قڕگەی شاری سلێمانی دۆزرایەوە، لەسەر ئەم رووداوە دەستبەجێ بەڕێوەبەرایەتیی ئاسایشی پارێزگای سلێمانی بەدواداچوون و لێکۆڵینەوەی وردی ئەنجامدا و توانرا تۆمەتباران دەستنیشان بکرێن.
دەشڵێت، بە بڕیاری دادوەری لێکۆڵینەوەی ئاسایش، بکوژ و هاوکارەکەی دەستگیرکران، ئێستا تۆمەتباران بەماددەی (406) لەیاسای سزادانی عێراقی راگیراون و لێکۆڵینەوە لە دۆسیەکانیان بەردەوامە.
