لەسەر بڕیاری وەزیری کشتوکاڵی هەرێم هاوردەکردنی شوتی تا کاتێکی نادیار بۆ هەرێمی کوردستان راگیرا.
ستار مەحمود بەڕێوەبەری کشتوکاڵی هەڵەبجە بە تۆڕی میدیایی ئێستای راگەیاند، “گلەیی جوتیارانی دەشتی شارەزوورمان گەیاندووەتە وەزیری کشتوکاڵ و ناوبراویش رایگەیاندووە، تا کاتێکی نادیار هاوردەکردنی شوتی راگیراوە”.
پێشتر جوتیارانی دەشتی شارەزوور لە رێگای تۆڕی میدیایی ئێستاوە ناڕەزایەتی خۆیان لە بەردەوامیی هاوردەکردنی شوتی لە ئێرانەوە دەربڕیبوو و باسیانلەوەکردبوو، “بەردەوامیی هاوردەکردن نرخی بەرهەمەکانیانی دابەزاندووە و خواست لەسەری کەمبووە”.
