پاش ئەوەی کۆمپانیای DNOی نەرویجی، لە کێڵگەی نەوتیی تاوکێ دەستیکردەوە بە بەرهەمهێنانی نەوت، بەڵام ڕێژەی بەرهەمهێنانی کۆمپانیاکە لەو کێڵگەیە، دابەزینێکی پێوانەیی تۆمارکرد.
بەگوێرەی ڕاپۆرتی مانگانەی کۆمپانیای DNOی نەرویجی، لە کێڵگەی نەوتیی تاوکێ لە زاخۆ، دەستکراوەتەوە بە بەرهەمهێنانی نەوت، بەڵام ئامارەکان ئاماژە بەوەدەکەن کە بەرهەمی کۆمپانیاکە لە چارەکی دووەمی ئەمساڵدا، 273 بەرمیل نەوت بووە لە ڕۆژێکدا، ئەمەش بەراورد بە چارەکی یەکەمی ئەمساڵ، بە ڕێژەی %99.9 دابەزیوە.
هەر بە گوێرەی ڕاپۆرتی کۆمپانیاکە، قەبارەی فرۆشی نەوت لە هەرێمی کوردستان لەو چارەکەی ساڵدا، گەیشتووەتە سفر.
