یەکێک لەو گەنجە خۆبەخشانەی لە کەوتنەوەی ئاگرێک لە سنووری گوندەکانی پێنجوێن برینداربوو، بەهۆی سەختی برینەکەیەوە گیانیلەدەستدا.
پەیامنێری تۆڕی میدیایی ئێستا گواستییەوە، بەیانی ئەمڕۆ ئالان یوسف ئەو گەنجە خۆبەخشەی لە ئاگرەکەی سنووری ژمارەیەک لە گوندەکانی پێنجوێن برینداربوو، دوای مانەوەی بۆ ماوەی زیاتر لە 20 رۆژ لە نەخۆشخانە، بەهۆی سەختی برینەکەیەوە گیانیلەدەستدا.
ئالان عەلی، لەدایکبووی ساڵی 2000 بوو، پیشەی ژینگەپارێز بوو، دوای ئەوە مانگی رابردوو ئاگرێک لە سنووری گوندەکانی هەڵاڵاوا و مەسۆ لە پێنجوێن کەوتەوە، وەک خۆبەخش بەشداریی لە کوژاندنەوەیدا کرد و لەگەڵ گەنجێکی دیکەی خۆبەخشدا برینداربوون.
