بەپێی زانیارییەکان، سەرۆک وەزیرانی عێراق و وەزیرە کوردەکان لە قەتەر لەبارەی مووچەوە کۆدەبنەوە.
سەرچاوەیەکی ئاگادار ئاشکرایکرد، لە پەراوێزی کۆبوونەوەی لوتکەی نائاسایی وڵاتانی عەرەبی و ئیسلامی لە قەتەر، محەمەد شیاع سودانی، سەرۆک وەزیرانی عێراق، لەگەڵ وەزیرە کوردەکان کۆدەبێتەوە.
ئاماژەی بەوەشکرد، لە کۆبوونەوەکەدا، پرسی مووچە، داهاتی نانەوتی و رێککەوتنی هەرێم و بەغداد، تاوتوێدەکرێت.
پاش پێشکەشکردنی وتاری عێراق لە لوتکەی نائاسایی وڵاتانی عەرەبی و ئیسلامی لە دەوحە، محەمەد شیاع سودانی دەگەڕێتەوە بۆ بەغداد و سبەی سەرپەرشتیی کۆبوونەوەی ئاسایی ئەنجومەنی وەزیرانی عێراق دەکات.
