بەپێی زانیارییەکان، کەمێک لەمەوبەر لە گەڕەکی تەیراوەی شاری هەولێر شەڕەتەقە لەنێوان دوو دراوسێدا روویدا و لە ئەنجامدا، کەسێک برینداربوو.
پەیامنێری تۆڕی میدیایی ئێستا لە هەولێر گواستییەوە، شەڕەکە لەسەر کێشەیەکی کۆمەڵایەتی روویداوە و ئەو دوو دراوسێیە ناکۆکییان هەبووە؛ تەقەیان لەیەکتر کردووە و کەسێک برینداربووە.
ئاشکراشیکرد، ئەو کەسەی بریندار بووە، دوو گوللەی بەرکەوتووە و دەستبەجێ گەیەندراوەتە نەخۆشخانە بۆ وەرگرتنی چارەسەر.
