میدیاکانی ئەفغانستان بڵاویانکردەوە، شەوی رابردوو، بومەلەرزەیەکی بەهێز ناوچەیەکی سنووریی ئەو وڵاتەی هەژاند و زیاتر لە 750 کەس بوونە قوربانی.
دامەزراوەی جیۆلۆجیی ئەمریکی دەڵێت، گوڕی بومەلەرزەکە 6.0 پلەی رێختەر بووە و کاتژمێر 10:17 (بە کاتی هەولێر) روویداوە، چەقەکەشی دەکەوێتە پارێزگای نانگەرهار لە رۆژهەڵاتی ئەفغانستان، نزیک سنووری پاکستان.
بەپێی میدیاکانی ئەفغانستان، بەهۆی بومەلەرزەکە تاوەکو ئێستا زیاتر لە 250 کەس گیانیان لەدەستداوە و نزیکەی 500 کەسی دیکەش برینداربوون.
