لە گەڕەکی رزگاریی شاری سلێمانی تەرمی ژنێک لە ماڵێکدا دۆزرایەوە.
سامان نادر لێپرسراوی سەنتەری فریاکەوتنی سلێمانی بە تۆڕی میدیایی ئێستای راگەیاند، “ئەمشەو ئاگادارکراینەوە لە بوونی تەرمێک لە ماڵێکدا لە گەڕەکی رزگاریی شاریی سلێمانی، دەستبەجێ تیمەکانمان چوونە شوێنەکە و تەرمەکەیان بۆ پەیمانگەی پزیشکی دادی سلێمانی گواستەوە”.
ئاماژەی بەوەشکرد، “بەپێی زانیارییەکانمان تەرمەکە، ژنە و تەمەنی 47 ساڵانە، تا ئێستا هۆکاری مردنەکەی نازاندرێت و لێکۆڵینەوەی لەبارەوە دەکرێت”.
