بڕیارە لە ماوەی 48 کاتژمێری داهاتوودا، دوو وەفدی هەرێم بچنە بەغداد و لەگەڵ وەزارەتی دارایی عێراق کۆببنەوە.
سەرچاوەیەک لە وەزارەتی دارایی و ئابوریی حکومەتی هەرێم بە تۆڕی میدیایی ئێستای راگەیاند، هەرێم 120 ملیار دیناری داهاتی نانەوتیی ئامادەکردووە و لەم هەفتەیەدا کێشەی مووچە یەکلاییدەکرێتەوە.
وتیشی، لە ماوەی 48 کاتژمێری داهاتوودا، دوو وەفدی هەرێم دەچنە بەغداد، لەگەڵ وەزارەتی دارایی عێراق کۆدەبنەوە و راپۆرتی خۆیان لەبارەی خەرجی و داهاتەکان پێشکەشدەکەن.
ئەو سەرچاوەیە ئەوەشی ئاشکراکرد، لە چەند رۆژی داهاتوودا، حکومەتی عێراق دەەستدەکات بە هەنگاوەکانی بۆ رێککەوتن لەگەڵ تورکیا بەمەبەستی هەناردەکرندەوەی نەوتی هەرێم.
