وتەبێژی پۆلیسی سلێمانی رایگەیاند، ئەمڕۆ شاسوار عەبدولواحید دەبرێتەوە بەردەم دادوەری دادگای کەتنی دووی سلێمانی.
سەرکەوت ئەحمەد وتەبێژی پۆلیسی سلێمانی رایگەیاند، شەوی رابردوو لەسەر بڕیاری دادوەری دادگای کەتنی دووی سلێمانی لەسەر بنەمای فەرمانی دەستگیركردنی ژمارە (251/ك/2021)، لەلایەن هێزەکانی پۆلیسی سلێمانییەوە شاسوار عەبدولواحید دەستگیرکراوە.
ئاشکراشیکرد، سەرجەم رێککارە یاساییەکان بەرامبەر ناوبراو جێبەجێکراون، ئەمڕۆ ئامادەدەکرێت و دەبرێتەوە بەردەم دادگای تایبەتمەند.
