رەجەب تەیب ئەردۆغان، سەرۆک کۆماری تورکیا لە نامەیەکدا بۆ کەسوکاری ئەو سەربازانەی لە شەڕی پـ.ـەکـ.ـەکـ.ـەدا کوژراون ناردووە و تێیدا نووسیویەتی، “لە پرۆسەی ئاشتیی تورکیا، هیچ نەرمییەکمان نەنواندووە و سازشیشمان نەکردووە”.
ئەردۆغان لە نامەکەدا جەختی لەوە کردووەتەوە، ئەو ئارامی و ئاسایشەی ئەمڕۆ لە تورکیا دەبینرێت، بەرهەمی قوربانیدانی ئەو سەربازانەیە و پاراستنی میراتەکەیان، ئەرکی سەرەکیی دەوڵەتە.
سەرۆک کۆماری نووسیویەتی، “هیچ کارێک نەکراوە و ناشکرێت، کە گیانی بەنرخی سەربازەکانمان ئازاربدات یان زیان بە کەسوکارەکانیان بگەیەنێت”.
