“لە شاری هەولێر کەسێک ویستوویەتی رۆنی پیسی چێشتخانەكان دووبارە بەكاربهێنێتەوە”

دەستەی پاراستن و ژینگەی هەولێر بڵاویکردەوە، سکاڵای یاسایی لە دژی کەسێک تۆمارکراوە کە ویستوویەتی رۆنی پیسی چێشتخانەكان بپاڵێوێت و دووبارە بەكاربهێنێتەوە.

لە راگەیەندراوێکی دەستەی پاراستن و ژینگەی هەولێردا هاتووە، کەسێک هەڵستاوە بە کۆکردنەوە و عەمبارکردنی نزیکەی 10 تۆن پاشماوەی رۆنی پیسی چێشتخانەکانی سنووری پارێزگای هەولێر بە مەبەستی پاڵاوتن و دووبارە بەکارهێنانەوەی لەگوندی سوێری بەبێ وەرگرتنی ڕەزامەندی ژینگە.

ئاماژەی بەوەشکرد، ئەم کارە نایاساییە و بەسەرپێچی ژینگەیی دادەنرێت پاڵپشت بە یاسای پاراستن و چاککردنی ژینگە لە هەرێمی کوردستان، بۆیە داوای یاسایی لەسەر تۆمارکراوە.