تیمی غەواسی فەرماندەیی پێشمەرگەی بەرگری و فریاكەوتن گەیشتنە سنووری هەڵەبجە.
بەپێی ئەو زانیارییانەی بە تۆڕی میدیایی ئێستا دراون، تیمی غەواسی فەرماندەیی پێشمەرگەی بەرگری و فریاكەوتن بەمەبەستی دۆزینەوەی تەرمی یەكێك لەو دوو كەسەی لە پۆندی پریس لە سنووری پارێزگای هەڵەبجە خنكاون گەیشتوونەتە شوێنەكە و لە هەوڵی دەرهێنانەوەی تەرمەكەدان.
جێی ئاماژە بۆ كردنە، ئەمڕۆ دووشەممە، دوو كەس لە كاتی مەلەكردندا لە پۆندی پریس لە هەڵەبجە خنكان و توانرا یەكێك لە تەرمەكان بدۆزرێتەوە، بەڵام تاوەكو ئێستا چارەنووسی تەرمەكەی دیكەیان نادیارە.
