پۆلیسی سلێمانی ڕایدەگەیەنێت، سێ كەسی بەتۆمەتی تەقەكردن دەستگیركردووە و دەستیشی بەسەر چەندین پارچە چەكدا گرتووە.
بەڕێوەبەرایەتیی پۆلیسی پارێزگای سلێمانی ڕایگەیاند، مەفرەزەكانی بنكەی پۆلیسی ڕزگاری سێ تۆمەتباریان دەستگیركرد كە تەقەیان كردبوو، لەكاتی دەستگیركردنیشیاندا دەستگیرا بەسەر چەند پارچە چەكێك و ژمارەییەك فیشەك و شانەی چەكدا.
ڕوونیشیكردەوە، چەكەكان بریتین لە یەك كلاشینكۆف و دوو دەمانچە، جگەلە چەندین فیشەك و شانەی چەك، هەروەها دەستگیركراوە بەسەر دوو ئۆتۆمبێل كە بەتۆمەتباران بووە.
پۆلیسی سلێمانی ئەوەشی وت، لەئێستادا تۆمەتباران (أ.ج.م.) لەدایكبووی 1990، (ز.ر.ج.) لەدایكبووی 1997 و (م.ل.غ.) لەدایكبووی 1990 بە بڕیاری دادوەر ڕاگیراوان و لێكۆڵینەوە لەگەڵیان بەردەوامە.
