راوێژکاری دارایی سەرۆک وەزیرانی عێراق خواردنی 62 ترلیۆن دیناری عێراقی لەلایەن مشک و جرجەوە رەتدەکاتەوە.
مەزهەر محەمەد ساڵح راوێژکاری دارایی سەرۆک وەزیرانی عێراق رایگەیاند، ئەو دەنگۆیانەی باس لە خواردنی 62 ترلیۆن دینار دەکەن لەلایەن مشک و جرجەوە دوورن لە راستییەوە و ئەم دەنگۆیانە لەگەڵ هیچ بنەمایەکی عەقڵ یەکناگرێتەوە.
ئاماژەی بەوەشکرد، نزیكەی 88%ی قەبارەی گشتیی كاش لە دەرەوەی سیستمی بانكییە و لەلای تاكەكەسەكانە، ئەمەش بەهۆی كلتووری بۆماوەیی كۆمەڵگەی عێراق لەبارەی دراوەوە، نەك لەناو گەنجینەی یەك دامەزراوەدا بێت كە ئەگەری هەیە توشی ئەم جۆرە لەناوچوونە ببێتەوە.
