کۆمسیۆنی باڵای سەربەخۆی هەڵبژاردنەکان بڵاویکردەوە، 9 ی مانگی داهاتوو تیروپشک بۆ ژمارەی کاندید و هاوپەیمانی و حزبەکانی بەشدار لە هەڵبژاردنی ئەنجومەنی نوێنەرانی عێراق دەکەن.
ئەمڕۆ دووشەممە لە کۆبوونەوەی ئەنجومەنی کۆمسیارانی کۆمسیۆنی باڵای سەربەخۆی هەڵبژاردنەکان بڕیاردرا، 9 ی ئاب تیروپشک بۆ ژمارەی کاندید و هاوپەیمانی و حزبەکانی بەشدار لە هەڵبژاردنی ئەنجومەنی نوێنەرانی عێراق بکرێت.
بڕیارە 11 ی تشرینی دووەمی ئەمساڵ هەڵبژاردنی ئەنجومەنی نوێنەران بەڕێوەبچێت، لە 8 ی تشرینی یەکەمەوە بانگەشەی هەڵبژاردن بۆ ئەو مەبەستە دەستپێدەکات.
