گوڵاڵە سدیق، شارەزای دارایی و بانكی دەڵێت، “بڕیاری ناردنی مووچە لای محەمەد شیاع سودانی سەرۆك وەزیرانی عێراقە و ئەویش دەڵێت تاوەكو مەرجە داراییەكان لەلایەن هەرێمەوە جێبەجێنەكرێت مووچە بۆ هەرێم نانێرم”.
وتیشی، “ئەنجومەنی نوێنەرانی عێراق تەنها پڕۆژەیاسای بودجە دەردەچێت، ئەرك و مافەكانی هەرێم لە بودجە دیاریكراوە، كاتێك هەرێم ئەركەكەی جێبەجێناكات لەڕووی پابەندی داراییەوە، بەدڵنیاییەوە مافەكەشی وەرناگرێت”.
بڕیارە رۆژی سێشەممەی داهاتوو ئەنجومەنی وەزیرانی عێراق دوا بڕیار لەسەر ناردنی مووچەی مووچەخۆرانی هەرێم بدات.
