دیواری باڵەخانەیەک لە سلێمانی رووخا و لایەنی کەم چوار کەس بوونە قوربانی
سامان نادر لێپرسراوی سەنتەری فریاکەوتنی سلێمانی بە تۆڕی میدیایی ئێستای راگەیاند، نیوەڕۆی ئەمڕۆ دیواری باڵەخانەیەک لە گەڕەکی راپەڕین داڕووخاوە، بەهۆیەوە ژمارەیەک کرێکار برینداربوون.
ئاماژەی بەوەشکرد، تیمەکانمان چوار کرێکاریان بە برینداری گەیاندووەتە نەخۆشخانە، یەکێک لە کرێکارەکان بەهۆی سەختی برینەکەیەوە گیانیلەدەستداوە.
ئاشکراشیکرد، دەوترێت دوو کرێکار کەوتوونەتە ژێر داروپەردووی بینا رووخاوەکە، بەڵام تا ئێستا دڵنیانین.
