قوباد تاڵەبانی هەردوو پڕۆژەی ئەندەرپاسی والی و كۆڕنیشی دەروازەی كردەوە
قوباد تاڵەبانی، جێگری سەرۆك وەزیران لە دوو رێوڕەسمی جیادا پڕۆژەی ئەندەرپاسی والی و پڕۆژەی گەشتیاریی كۆڕنیشی دەروازەی كردەوە.
جێگری سەرۆك وەزیران لە ڕێوڕەسمێكدا پڕۆژەی ئەندەرپاسی والی لەسەر شەقامی سەرەكیی هەواری شاری سلێمانی كردەوە و پڕۆژەكە بە سەرپەرشتیی شارەوانیی سلێمانی و بە هاوبەشیی لەگەڵ كەرتی تایبەت بە گوژمەی هەشت ملیار دینار جێبەجێكراوە و كاریگەریی گەورەی لەسەر كەمكردنەوەی قەرەباڵغی لەسەر شەقامی هەواری شار و شەقامەكانی دەوروبەری پردی كۆبانێ دەبێت.
هەر ئەمڕۆش لە ڕێوڕەسمێكی دیكەدا قوباد تاڵەبانی پڕۆژەی گەشتیاریی كۆڕنیشی دەروازەی كردەوە.
كۆڕنیشی دەروازە پڕۆژەیەكی گرنگیی گەشتیارییە و لەسەر لێواری چەمی قلیاسان دروستكراوە و گەشتیاران و دانیشتووانی سلێمانی بە سەردانی پڕۆژەكە دەتوانن كاتێكی خۆش و ئارام بەسەر ببەن.
