دوای دوو مانگ لە پشووی وەرزی ئەنجومەنی نوێنەران، بڕیارە لە 9 ی ئەم مانگەوە کۆتایی بێت.
غەریب ئەحمەد ئەندامی ئەنجومەنی نوێنەرانی عێراق بە تۆڕی میدیایی ئێستای راگەیاند، لەرووی یاساییەوە لە 9 ی تەمموزەوە پشووی ئەنجومەنەکە کۆتایی دێت و دانیشتنە ئاساییەکان دەستپێدەکەنەوە.
ئاماژەی بەوەشکرد، چەندین پرۆژە یاسا و پرۆژەی هەمواری یاسا و دەقی رێککەوتنی عێراق لەگەڵ وڵاتانی دیکە لە چەندین بواری جیاوازدا لەسەر مێزی ئەنجومەنی نوێنەرانن و پێویستە لەگەڵ کۆتاییهاتنی پشووەکە یەکلاییبکرێنەوە و دەنگیان لەسەربدرێت.
جەختیشیکردەوە، وەک فراکسیۆنە کوردییەکان چاوەڕێی سەرۆکایەتیی پەرلەمانین بەرنامەی کۆبوونەوە دابنێن بە دڵنیایی بەشداریی دەکەین.
