لە نیوەڕۆی ئەمڕۆوە ئاگرێکی فراوان سنووری گوندەکانی فەیاڵ و هەنارانی خوارووی لە سنووری مێرگەپان گرتووەتەوە.
ئارام عەلی وتەبێژی بەرگریی شارستانیی سلێمانی بە تۆڕی میدیایی ئێستای راگەیاند، لە نیوەڕۆی ئەمڕۆوە ئاگرێک لە سنووری گوندەکانی فەیاڵ و هەناران کەوتووەتەوە و رووبەرێکی زۆری پووش و پاوەنی سنوورەکە سووتاوە.
وتیشی، بە هاوکاری خەڵکی ناوچەکە و تیمەکانی پۆلیسی دارستان بەشێکی زۆری ئاگرەکە کوژێندراوەتەوە و لە ئێستادا لە قۆناغی کۆتایی کۆنتڕۆڵکردنی ئاگرەکەدا.
