ئەندامێكی ئەنجومەنی نوێنەرانی عێراق رایدەگەیەنێت، هەرێم و بەغداد لەسەر هەناردەكردنەوەی نەوتی هەرێم و پرسی مووچەی مووچەخۆرانی هەرێم دەگەنە رێككەوتن.
شوان محەمەد، ئەندامی ئەنجومەنی نوێنەرانی عێراق لە لێدوانێكدا بە تۆڕی میدیایی ئێستای راگەیاند، نەوتی هەرێمی كوردستان لە رێگای كۆمپانیای سۆمۆوە هەناردەدەكرێت و لە بەرامبەردا وەزارەتی دارایی عێراق كرێی كۆمپانیا نەوتییەكان دەدات، بەڵام ئەوان دڵنیاییان دەوێت كە گرفت بۆ شایستە داراییەكەیان دروستنەبێت.
ئەو پەرلەمانتارە جەختیكردەوە و وتیشی، “بە رێككەوتنی هەرێم و بەغداد لەسەر پرسی دەستپێكردنەوەی هەناردەی نەوت كێشەی مووچەی مووچەخۆرانی هەرێم چارەسەردەبێت”.
