کۆمسیۆنی باڵای هەڵبژاردنەکانی عێراق رایدەگەیەنێت، دەرگای داواکاری بۆ کارکردن لەسەر سندوقەکانی دەنگدان دەکرێتەوە.
کۆمسیۆنی عێراق لە راگەیەندراوێکدا بڵاویکردەوە، لە ئێوارەی سێشەممە، 2025/6/3ـەوە، بەستەری داواکاری لە ماڵپەڕ و سەرجەم پلاتفۆرمەکانی سۆشیال میدیای کۆمسیۆن بڵاودەکرێتەوە.
دەشڵێت، دەتوانن چاودێریی هەژمارە رەسمییەکانمان بکەن بۆ بینینی بەستەری داواکارییەکە لەکاتی بڵاوبوونەوەی.
بە بڕیاری ئەنجومەنی وەزیرانی عێراق، بڕیارە رۆژی 2025/11/11، هەڵبژاردنی ئەنجومەنی نوێنەرانی عێراق بەڕێوەبچێت.
