بەڕێوەبەری سەنتەری فریاگوزاریی خێرای سلێمانی رایگەیاند، لە گوندی كێلوی پێنجوێن بەهۆی تەقینەوەی مینەوە هەشت كرێكار برینداربوون و دووانیان رەوانەی سلێمانی كراون.
سامان نادر، بەڕێوەبەری سەنتەری فریاگوزاریی خێرای سلێمانی لە لێدوانێكدا بە تۆڕی میدیایی ئێستای راگەیاند، لە پێنجوێن 8 كرێكار بەهۆی تەقینەوەی مینەوە بریندار بوون و دوانیان رەوانەی نەخۆشخانەی شاری سلێمانی كراون.
ئاماژەی بەوەشكردووە، لە ئێستادا باری تەندروستی سەرجەم كرێكارەكان جێگیرە و شەش لە بریندارەكان لە پێنجوێن چارەسەریان بۆكراوە و تەنها دووان لە بریندارەكان رەوانەی سلێمانی كراون.
ئەوەشیخستەڕوو، ئەو دوو كرێكارەی رەوانەی نەخۆشخانەی شار كراون چارەسەری پێویستیان بۆ كراوە و لە ئێستاشدا باری تەندروستیان جێگیرە.
