هیوا ئەحمەد، سەرۆكی دەزگای ئاسایشی هەرێم پێشوازی لە خانەوادەی خوالێخۆشبوو وەستا حەسەنی كەبابچی كرد.
لە دیدارەكەدا خانەوادەی وەستا حەسەن سوپاسی هێزەكانی ئاسایشیان كرد كە لە ماوەیەكی كورتدا تۆمەتباری كوشتنی (رۆژ حەسەن) دەستگیركرا و داواشیانكرد، لە بەرامبەر خوێنی كوڕەكەیان یاسا سەروەربێت.
لە بەرامبەردا هیوا ئەحمەد، سەرۆكی دەزگای ئاسایشی هەرێم وێڕای دەربڕینی هاوخەمی بۆ خانەوادەكەیان، جەختیشیكردەوە كەیسەكە رێرەوی یاسایی خۆی وەرگرتووە و دادگا خاڵی یەكلاكەرەوە دەبێت.
سەرۆكی دەزگای ئاسایشی هەرێم دڵنیاشیكردنەوە، هیچ كەسێك لەسەروو یاساوە نییە و بە توندترین شێوە رووبەڕووی هەموو هەوڵێك دەبنەوە كە ژیان و ئارامیی خەڵك بخاتە مەترسییەوە، وتیشی، “هێزەكانی ئاسایش لەخزمەت سەروماڵی هاوڵاتییاندان و پاراستنیان ئەركی ئێمەیە”.
