قائیمقامی دەربەندیخان رایگەیاند، لە ماڵێکدا دەستبەسەر بڕێک تەقەمەنیدا گیراوە و سێ کەسیش دەستگیرکراون.
سلێمان محەمەد قائیمقامی دەربەندیخان بە تۆڕی میدیایی ئێستای راگەیاند، لە ماوەی رابردوودا کەسێک لە قەزای دەربەندیخان دەستگیرکرابوو، دواتر دادوەر بڕیاریدا پشکنین بۆ ماڵەکەی ئەنجامبدرێت.
ئاماژەی بەوەشکرد، ئەمڕۆ مەفرەزەیەکی هاوبەش لە پۆلیسی سلێمانی و دەربەندیخان پشکنینیان بۆ ماڵەکە کرد و دەستیان بەسەر بڕێک تی ئین تی و تەقەمەنی دیکەدا گرت، هاوکات دوو کەسی دیکەشیان دەستگیرکرد.
ئاشکراشیکرد، دوو لە دەستگیرکراوەکان بران، لێکۆڵینەوەکان بەردەوامن، هەتا ئێستا هۆکاری کۆکردنەوەی ئەو تەقەمەنیانە لەو ماڵەدا نەزاندراوە.
