ئەمڕۆ بە رۆژی جیهانیی قژسوورەکان دیاریکراوە و لە جیهادا ئاهەنگ دەگێڕن.
رۆژی جیهانیی قژی سوور ئاهەنگێکی پڕ لە ژیانە بۆ ئەو کەسانەی کە قژیان بە شێوەیەکی سروشتی سوورە، رۆژێکە تایبەتە بە رێزلێنان لە جوانییە دەگمەن و دیارەکانی قژسوورەکان، کە کەمتر لە 2%ی دانیشتووانی جیهان پێکدەهێنن، ئەم بۆنە تایبەتە قژسوورەکان لە هەموو جیهانەوە کۆدەکاتەوە، پەیامی شانازی و متمانە بەخۆبوون لەنێو کۆمەڵگەی قژسوورەکاندا بەرەوپێش دەبات.
گرنگیی رۆژی جیهانیی قژی سوور لە ئاهەنگگێڕانەکەیدایە بۆ هەمەجۆریی و سیفەتە ناوازەکانی قژسوورەکان.
بەپێی پەیمانگەی نیشتمانیی تەندروستیی ئەمریکا، ئەو کەسانەی قژیان بە شێوەیەکی سروشتی سوورە، کەسانی سەرنجڕاکێشن و تەمەنیشیان بەراورد بە کەسانی دیکە درێژترە و زیاتر بەرگەی ئازار دەگرن، منداڵی زیاتریش دروستدەکەن.
رۆژەکە، تیشک دەخاتە سەر تایبەتمەندیی قژی سوور کە ئەستوورترە و هەستیارترە بە ئازار بەهۆی گۆڕانی جینی MC1R، جگە لەوەش ئەم رۆژە بەرپەرچی ئەو باوەڕە مێژووییە دەداتەوە کە قژ سوورەکان رووبەڕووی دەبنەوە، قژیان وەک خاڵێکی شانازی پیشان دەدات نەک وەک هۆکارێک بۆ جیاکاری.
