بەڕێوەبەری کۆمپانیای گشتیی بازرگانیی دانەوێڵە لە وەزارەتی بازرگانیی عێراق رایگەیاند، تائێستا بڕی گەنمی وەرگیراو لە جووتیاران، گەیشتووەتە زیاتر لە دوو ملیۆن تۆن.
حەیدەر نوری گەرعاوی، بەڕێوەبەری کۆمپانیای گشتیی بازرگانیی دانەوێڵە رایگەیاند، پێشبینی دەکرێت لە ئەمساڵدا، چوار بۆ پێنج ملیۆن تۆن گەنم لە جووتیاران وەربگیرێت.
پێشتر، نەوزاد شێخ كامیل، بەڕێوەبەری گشتیی بازرگانیی هەرێم رایگەیاند، حكومەتی عێراق بڕیاریداوە تەواوی گەنمی جووتیاران وەربگرێت و چاوەڕواندەكرێت، ئەو بڕیارە هەرێمی كوردستانیش بگرێتەوە.
