بەڕێوەبەری بەڕێوەبەرایەتیی باخچەکانی سلێمانی، رایگەیاند، رێژەی سەوزایی لە سلێمانی لە ستانداردی جیهانییەوە نزیکە”.
بەهرۆز سالار، بەڕێوەبەری بەڕێوەبەرایەتیی باخچەکانی سلێمانی، بە تۆڕی میدیایی ئێستای راگەیاند، “ئێستا لە سنووری جوگرافیای سەرۆکایەتیی شارەوانیی سلێمانی رێژەی سەوزایی 19% زیاترە کە ئەوەش نزیکە لە ستانداردی جیهانییەوە بەو پێیەی ستاندارد سەرووی 20%ە”.
وتیشی، بە بڕیاری بەڕێوەبەرایەتیی باخچەکانی سلێمانی بینای بازرگانی و باڵەخانە و خانووەکان دەبێت لەسەر شۆستەکان نەمام بڕوێنن و لەناو شوێنەکانیشدا دەبێت رێژەی سەوزایی زیاتر بێت لە 20% کە ئەوەیان فەرمانگەی ژینگەی سلێمانی سەرپەرشتیدەکات، و بەپێچەوانەوە دەبێت لە شوێنی دیکە نەمام بڕوێنن و رێژەی سەوزایی زیادبکەن”.
