دۆناڵد ترەمپ سەرۆکی ئەمریکا وەک لە کاتی بانگەشەی هەڵبژاردن بەڵێنیدابوو، پرۆژەیەکی گەورە بۆ پاراستنی ئاسمانی وڵاتەکەی بە بەهای 175 ملیار دۆلار خستە بواری جێبەجێکردنەوە.
پرۆژەکەی ترەمپ ناوی “گومەزی زێڕینە”، کە پێکهاتووە لە سیستمێكی پێشکەوتووی بەرگریی مووشەکی و ئاسمانی کە ئاسمانی وڵاتەکە لە هەموو جۆرە هێرشێکی مووشەکی دەپارێزێت.
لەبارەی پرۆژەکەیەوە ترەمپ رایگەیاند، لەکاتی بانگەشەی هەڵبژاردن بەڵێنماندا ئێستا جێبەجێیدەکەین، کە تێچووەکەی 175 ملیار دۆلارە و پێش تەواوبوونی ویلایەتەکەم تەواودەبێت.
