بەڕێوەبەرایەتیی گشتیی هاتوچۆی هەرێم چەند رێنماییەکی بۆ ماتۆڕسواران بڵاوکردەوە و رایگەیاند، ئەگەر جێبەجێی نەکەن، سزایی دارایی دەدرێن و ماتۆڕەکانیان دەستیان بەسەردا دەگیرێت.
دەقی رێنماییەکانی هاتوچۆی هەرێم بۆ ماتۆڕسواران:
– هەر ماتۆڕسوارێک لە ترافیک لایتەکان نەوەستێت، سزای دارایی دەدرێت.
– هەر ماتۆڕسوارێک بە دەنگی گزۆز هاوڵاتییان هەراسان بکات، دەدرێتە دادگا و ماتۆڕەکەشی دەستی بەسەردا دەگیرێت.
– ئەگەر ماتۆڕەکە لۆگۆی کۆمپانیاکانی دیلیڤەری پێوەبێت، لیستی سزاکان مانگانە بۆ کۆمپانیاکە دەنێردرێت.
– هەر ماتۆڕسوارێک سەرکێشی و نمایش بکات، دەدرێتە دادگا و ماتۆڕەکەشی دەستی بەسەردا دەگیرێت.
– هەر ماتۆڕسوارێک کڵاو، سەرئەژنۆ و مەچەکپارێز بەکارنەهێنێت، سزای دارایی دەدرێت.
