ئەمڕۆ دووەم و کۆتا رۆژى کۆڕبەندى دێڵفى-سلێمانى بەڕێوەدەچێت.
کۆڕبەندەکە دوێنێ بە سەرپەرشتیی قوباد تاڵەبانى، جێگرى سەرۆک وەزیرانى هەرێم و بە بەشداری چەندین سەرکردە و کەسایەتیی سیاسى و ئابورى لە سلێمانى دەستیپێکرد و دوو رۆژ دەخایەنێت.
سیمیۆن تسۆمۆکۆس، دامەزرێنەر و سەرۆکی کۆڕبەندی دێڵفی دوێنێ رایگەیاند، کۆڕبەندی دێڵفی گرنگییەکی زۆری هەیە و هەوڵدەدەین هەموو ساڵێک لە سلێمانی ئەنجامیبدەین.
وتیشى، “زیاتر لە 50 سەرکردەی سیاسی و بازرگانمان لە ئەوروپا و رۆژهەڵاتی ناوەراستەوە هێناوەتە سلێمانی کە شارێکی مەزنە و خەڵکەکەشی مەزنن”.
هەرێمی کوردستان توانایەکی باشی بۆ گەشەی ئابوری هەیە و هەنگاوی باشی بڕیوە و هەروەها کەرتەکانی وزە و کشتوکاڵ و تەکنەلۆژیا بۆ هەرێم زۆر گرنگن، تسۆمۆکۆس واى وت.
