کۆمپانیای گشتیی بازرگانیی دانەوێڵە کە سەر بە وەزارەتی بازرگانیی عێراقە، رایگەیاند، یەک ملیۆن و 300 هەزار تۆن گەنم خرایە بازاڕەوە.
حەیدەر نوری گەرعاوی، بەڕێوەبەری کۆمپانیای گشتیی بازرگانیی دانەوێڵە رایگەیاند، وەزارەتی بازرگانی هەموو هەوڵێک دەدات بۆ دڵنیابوون لە سەرکەوتنی وەرزی دروێنەکردنی گەنم و پرۆسەی گواستنەوەی گەنم لە سایلۆکانی وەزارەتی بازرگانی، بەئاسانی بەڕێوەدەچێت.
وتیشی، خستنەبازاڕی گەنم بەردەوامدەبێت و کارەکان تائێستا بەباشی بەڕێوەدەچن.
پێشتر، نەوزاد شێخ كامیل، بەڕێوەبەری گشتیی بازرگانیی هەرێم رایگەیاند، حكومەتی عێراق بڕیاریداوە تەواوی گەنمی جووتیاران وەربگرێت و چاوەڕواندەكرێت، ئەو بڕیارە هەرێمی كوردستانیش بگرێتەوە.
