سەرۆکی تیمی راگەیاندنی کۆمسیۆن رایگەیاند، لە 25ـی ئایارەوە بۆ ماوەی یەک مانگ، دەست بە وەرگرتنی لیستی کاندیدەکانی هاوپەیمانی، حزب و لایەنەکان دەکرێت.
عیماد جەمیل، سەرۆکی تیمی راگەیاندنی کۆمسیۆنی باڵای سەربەخۆی هەڵبژاردنەکانی عێراق رایگەیاند، دەستەی کۆمسیاران بڕیاریدا لە 25ـی ئەم مانگەوە، لیستی کاندیدەکانی بەشداربووی هەڵبژاردنی ئەنجومەنی نوێنەران وەربگرێت و رۆژی 24ـی حوزەیران کۆتاییدێت.
وتیشی، هەر هاوپەیمانییەک، حزبێک یان کاندیدێکی سەربەخۆ، پێویستە لە ماوەی دیاریکراودا ناویان لە کۆمسیۆن تۆماربکەن.
ئاماژەی بەوەشکرد، کۆمسیۆن بەرزبوونەوەیەکی بەرچاوی لە رێژەی نوێکردنەوەی تۆماری دەنگدەران تۆمارکردووە، بەتایبەتیش لە پارێزگاکانی بەغداد، نەینەوا و بەسرە.
