دوای ئەوەی بۆ ماوەی حەوت رۆژ گەنجێکی شاری زاخۆ وندەبێت، گەنجەکە بە برینداری دۆزراوەتەوە و توانای قسەکردنی نەماوە.
عەزیز زەینلعابدین ئەو گەنجەی شاری زاخۆیە کە حەوت رۆژ لەمەوبەر ونبووە، کەسوکارەکەی بە تۆڕی میدیایی ئێستای راگەیاند، کوڕەکەیان شۆفێری تاکسییە و کێشەی لەگەڵ هیچ کەسێکدا نییە.
بەپێی وتەی کەسوکارەکەی، ئەو گەنجە بەر لە حەوت رۆژ لەکاتێکدا سەرقاڵی کارەکەی بووە لە کاتژمێر 6:00 بۆ 7:00ی ئێوارە ونبووە، شەوی رابردوو لە کاتژمێر 12:00دا بە بێهۆشی دۆزراوەتەوە و قسە لەگەڵ هیچ کەسێکدا ناکات.
وتیشیان، “کوڕەکەمان ئێستا لە نەخۆشخانە چارەسەر وەردەگرێت، داوایان لە پۆلیسی زاخۆ کردووە ئەوانەی دەستیان لە رووداوەکەدا هەیە دەستگیربکرێن.
