وتەبێژی وەزارەتی گواستنەوە و گەیاندنی عێراق رایدەگەیەنێت، لێکۆڵینەوە لە دروستکردنی پاسی گواستنەوەی گشتیی کارەبایی لە ناوخۆی بەغداد دەکەن.
مەیسەم سافی، وتەبێژی وەزارەتی گواستنەوە و گەیاندنی عێراق لە لێدوانێکدا رایگەیاند، بەم نزیکانە کۆمپانیاکە قۆناغی دووەمی پرۆژەی هێڵی گواستنەوەی گشتی دەستپێدەکات، دیارترینیان کردنەوەی هێڵی بەغدادە، کە دەکەوێتە ناوچەی عەلاوی بەرەو فڕۆکەخانەی نێودەوڵەتیی بەغداد و بەپێچەوانەشەوە.
وتیشی، بابەتی دروستکردنی پاسی کارەبایی لە ناوخۆی بەغداد، لەلایەن وەزارەتەوە چاودێری و لێکۆڵینەوەی لێدەکرێت و نیازیان هەیە ئەم ئەزموونە لە بەغداد جێبەجێبکەن.
