سەرۆك وەزیرانی عێراق و سكرتێری گشتیی نەتەوەیەكگرتووەكان لە نیویۆرك كۆبوونەوە و تاوتوێی دۆخی عێراق و قەیرانە سیاسییەكانیان كرد.
بەپێی ڕاگەیەندراوێكی نووسینگەی ڕاگەیاندنی مستەفا كازمی، سەرۆك وەزیرانی عێراق كە تێیدا هاتووە، مستەفا كازمی سەرۆك وەزیرانی عێراق لەگەڵ ئەنتۆنیۆ گۆتێرێش سكرتێری گشتیی نەتەوەیەكگرتووەكان لە نیویۆرك كۆبووەتەوە.
لە ڕاگەیەندراوەكەدا هاتووە، ستایشی هەوڵەكانی حكومەتی عێراق كراوە كە ڕۆڵی هەبووە لە هێوركردنەوەی گرژییەكانی عێراق و دەستپێكردنەوەی دانوستاندنی نێوان لایەنەكان.
