تەندروستیی هەولێر رایدەگەیەنێت، “بەهۆی خۆڵبارینەوە 20 کەس تووشی هەناسەتەنگی بوون”.
سامان سەلمان، بەڕێوەبەری راگەیاندنی بەڕێوەبەرایەتیی گشتیی تەندروستیی هەولێر، رایگەیاند، “بەهۆی خۆڵبارین، 20 کەس تووشی هەناسەتەنگی بوون و سەردانی بەشی فریاکەوتنەکانی هەولێریان کردووە”.
وتیشی، “دوای ئەوەی چارەسەری پێویستیان وەرگرتووە لەلایەن پزیشکی ئێشکگر رەوانەی ماڵەوە کراون و ئەوانەی پێویستیان بە چارەسەری زیاتر هەبووە لە نەخۆشخانە ماونەتەوە”.
