سەرۆک وەزیرانى عێراق بە سەرۆکایەتیی وەفدێک سەردانێک بۆ تورکیا ئەنجامدەدات.
سەردانەکەى محەمەد شیاع سودانى، سەرۆک وەزیرانى عێراق بۆ تورکیا بڕیارە لەم هەفتەیەدا ئەنجامبدرێت و، بۆ ئەمەش وەفدێک بۆ ئامادەکارییەکانى سەردانەکە گەیشتە ئەنقەرە.
بەپێى میدیاکان چاوەڕوان دەکرێت لە میانەى سەردانەکەیدا سودانى ژمارەیەک یاداشتى لێکتێگەیشتن لەگەڵ لایەنى تورکى دەربارەى بوارەکانى ئاسایش، گواستنەوە، پلاندانان، پەروەردە، پەیوەندییەکان و پیشەسازى واژووبکات.
