وەزارەتی گواستنەوەی عێراق رایدەگەیەنێت، رۆژی 8ـی ئەم مانگە، یەکەم کاروانی حاجییان بۆ سعودیە دەگوازرێنەوە.
وەزارەتی گواستنەوەی عێراق لە راگەیەندراوێکدا بڵاویکردەوە، ئامادەکارییەکان بۆ گواستنەوەی حاجییان کۆتاییهاتووە و رۆژی پێنجشەممە 8/5/2025، یەکەم کاروانى حاجییان بۆ سعودیە دەگوازرێنەوە و هەتاوەکو 18/5/2025 گواستنەوەی حاجییان بەردەوامدەبێت.
دەشڵێت رۆژانە پێنج گەشتی ئاسمانی، بە فڕۆکەی نەفەرهەڵگری قەبارە گەورە ئەنجامدەدرێن.
