ئەندامێکی ئەنجومەنی نوێنەرانی عێراق رایدەگەیەنێت، دەربارەی سەرمایە و داهات و سەرمایەگوزاری سندوقی خانەنشینی، پرسی بە ئەلکترۆنیکردنی دۆسیە و مامەڵەی خانەنشینانی کەرتی گشتی کۆبوونەوەیەک ئەنجامدرا.
د. نەرمین مەعروف، ئەندامی ئەنجومەنی نوێنەرانی عێراق، رایدەگەیەنێت، ئەمڕۆ دووشەممە 25ی ئازاری 2024 بەمەبەستی بەدواداچوون بۆ کێشە و داواکاریی خانەنشینان لیژنەی دارایی ئەنجومەنی نوێنەران کۆبوونەوەیەکی تایبەتی سازکرد بە ئامادەبوونی سەرۆک و بەڕێوەبەرە گشتییەکانی دەستەی خانەنشینی عێراق.
ئاماژە بەوەش دەکات، لە کۆبوونەوەکەدا گفتوگۆکرا دەربارەی سەرمایە و داهات و سەرمایەگوزاری سندوقی خانەنشینی، پرسی بە ئەلکترۆنیکردنی دۆسیە و مامەڵەی خانەنشینانی کەرتی گشتی، پێشنیازەکان بۆ هەموارکردنەوەی یاسای خانەنشینی یەکگرتووی ژمارە 9ی ساڵی 2014، و چەند پرسێکیتری پەیوەست بە کاروباری خانەنشینان لە هەردوو حکومەتی هەرێم و فیدڕاڵ.
