وەزارەتی كارەبای هەرێم رایدەگەیەنێت، كارەبای 24 كاتژمێری بۆ 12 گەڕەكی دیكەی شاری هەولێر و دوو گەڕەكی شاری سلێمانی دابیندەكرێت كە گەڕەكەكانی هەولێر بریتین لە شۆڕش، كانی، نووسەران، كوێستان، كۆماری، رووناكی، پزیشكان، مەنتكاوە، ئازار، زانكۆ، حەمرین و شارەوانی و گەڕەكەكانی سلێمانیش بریتین لە هەواری تازە و بەشێكی تووی مەلیك”.
لە راگەیەندراوەكەدا هاتووە، ئەمەش دوای ئەوە دێت چەند گەڕەكی دیكەی هەولێر، سلێمانی و دهۆك سوومەندبوون لە پڕۆژەی ڕووناكی و كارەبای 24 كاتژمێرییان بۆ دابینكرا و بەمزووانەش دەگاتە پارێزگای هەڵەبجە.
وەزارەتەكە دەشڵێت، “پڕۆژەی ڕووناكی بەردەوامە لە فراوانبوون و تائێستا لەسەرانسەری هەرێمی كوردستان نزیكەی 600 هەزار هاوڵاتی كارەبای 24 كاتژمێرییان بۆ دابینكراوە و نزیكەی 750 مۆلیدەی تایبەت وەستێنراون”.
