سەرۆکی ئیدارەی هەڵبژاردنەکان لە کۆمسیۆن رایگەیاند، لە ماوەی کەمتر لە ساڵێکدا، زیاتر لە یەک ملیۆن و 209 هەزار کارتی دەنگدان، بە هۆکاری جیاجیا لەناوچوون.
عامر حسێنی، سەرۆکی ئیدارەی هەڵبژاردنەکان لە کۆمسیۆنی عێراق رایگەیاند، کۆی گشتیی ئەو کارتی دەنگدانانەی لە سەرەتای مانگی شەشی ساڵی 2024ـەوە تا 24ـی نیسانی ئەمساڵ لەناوچوون، یەک ملیۆن و 209 هەزار و 349 کارت بووە.
لەبارەی هۆکاری لەناوچوونی ئەو کارتانە، ناوبراو وتی، هۆکارەکان بریتین لە (مردنی خاوەن کارتەکە، راستکردنەوەی زانیارییەکان، درێژکردنەوەی ماوەی کارپێکردنی کارتەکە).
سەرۆکی ئیدارەی هەڵبژاردنەکان لە کۆمسیۆن، داوا لە وەزارەتی تەندروستی دەکات، شەش مانگ پێش ئەنجامدانی هەر هەڵبژاردنێک، ناوی مردووانیان پێبدات، بەمەبەستی دەرکردنیان لە تۆماری دەنگدەران.
