وەزارەتی تەندروستیی ئێران رایگەیاند، لە تەقینەوەکەی دوێنێی بەندەر عەباس-دا، 18 کەس گیانیانلەدەستداوە و زیاتر لە هەزار کەسی دیکەش برینداربوون.
بەپێی راگەیەندراوێکی وەزارەتی تەندروستیی ئێران کە بەرەبەیانی ئەمڕۆ یەکشەممە بڵاویکردووەتەوە، لە ئەنجامی ئەو تەقینەوە “بەهێزەی” کە دوێنێ شەممە، لە بەندەر عەباس-ی باشووری ئەو وڵاتە روویدا، 18 کەس گیانیانلەدەستداوە و تائێستاش، شەش کەس بێسەروشوێنن.
وەزارەتەکە ئەوەشی ئاشکراکرد، کۆی ژمارەی بریندارەکان هەزار کەسی تێپەڕاندووە و دەشڵێت، رەنگە لە چەند کاتژمێری داهاتوودا ژمارەی کوژراوان بەرزترببێتەوە.
