میدیاکانی ئێران بڵاویانکردەوە، کەمێک پێش ئێستا تەقینەوەیەکی بەهێز لە بەندەر عەباس- باشووری ئێران روویدا.
بەپێی هەواڵی میدیا ئێرانییەکان، تەقینەوەکە لەناو تانکییەکی سووتەمەنیدا روویداوە و لەئێستادا سەرجەم چالاکییەکانی بەندەرەکە راگیراون، تا ئەو کاتەی هێزە ئەمنی و فریاگوزارییەکان دەگەنە شوێنەکە.
میدیا ناوخۆییەکانی ئێران باسیانلەوەکرد، تەقینەوەکە هێندە بەهێز بووە، کە زەویی ئەو شوێنەی هەژاندووە و دەنگەکەشی لە شارەکانی نزیکی بەندەر عەباس، بیستراوە.
تائێستا هۆکاری تەقینەوەکە نەزانراوە و هیچ زانیارییەکیش لەبارەی زیانە گیانییەکانەوە نەخراوەتەڕوو.
